Қазанның басында Saqbol жаңа мобильді қосымшасы іске қосылды. Saqbol қосымшасын жасаудағы басты міндет қазақстандықтарға вирустың таралуын ескертетін және жақын байланыс кезінде жұқтыру қаупі туралы хабарлайтын құрал ұсыну болды.

Қазақстандықтар қосымшаны неғұрлым көп пайдаланса, коронавирустың таралуының алдын алуда әсері соғұрлым жоғары болады және, тиісінше, қосымшаның пайдасы көп болады. Сарапшылардың пікірінше, ел тұрғындарының шамамен 60 пайызы тиімді болу үшін қосымшаны орнатуы керек.

Бұл қалай жұмыс істейді?

Қосымшаны пайдалану үшін оны телефонға жүктеп, Bluetooth қосу керек. Осы қосымшаны орнатқан басқа адамдармен тығыз байланыста болған кезде, олардың смартфондары Bluetooth арқылы шифрланған идентификаторлармен алмасады. COVID-19-ға оң нәтиже болған жағдайда, хабарлама функциясын іске қосу арқылы сізбен байланысқан азаматтарды ескертуге болады. Бұл ретте ешқандай жеке деректер берілмейді және хабарлама алған адамдар жұқтыру көзі кім екенін білмейді.

Қарапайым тілмен айтқанда, хабарламада науқастың аты да, мекенжайы да, байланыстары да, орналасқан жері де көрсетілмейді. Мұндай архитектура басқа азаматтарға жасырын түрде хабарлауға мүмкіндік береді, бұл хабарлаушының жария ету ықтималдығын айтарлықтай төмендетеді. Қолданбаны пайдаланған кезде адам ешқандай жолмен анықталмайды, деректер шифрланған түрде беріледі.

Қосымшаның 3 негізгі функциясы бар:

- Байланыс журналын жүргізу. Қосымша орнатылған басқа құрылғылармен шифрланған өзара іс-қимыл жазбаларын сақтау;

- Тест нәтижесін тексеру. Оң нәтиже болған жағдайда, пайдаланушы өзінің қосымшасында хабарландыру функциясын іске қоса алады;

- Жұқтыру тәуекелі туралы хабарламалар.

Бұдан басқа, covid-19 туралы ресми ақпарат бар, онда сіз вирустың таралуы туралы статистиканы көре аласыз, ұсыныстар, пайдалы кеңестер алып, қызықтыратын сұрақтар қоя аласыз. Сондай-ақ, Коронавирусқа өзін-өзі диагностикалаудан өтуге болады.

Covid-19 үшін оң ПТР тестімен басқа пайдаланушыларға хабарлау процесі қалай жүреді?

ПТР тестін тапсырғаннан кейін пайдаланушыға мобильді нөмірге нәтижені білу үшін Saqbol қосымшасында енгізуге болатын 10 таңбалы коды бар смс хабарлама келеді.

Егер Saqbol қолданбасының пайдаланушысы коронавирусқа оң нәтиже берсе, олар өз қосымшаларында хабарландыру функциясын іске қоса алады. Бұл жұқтырған адаммен соңғы 14 күн ішінде екі метрден аз қашықтықта және 15 минуттан астам уақыт байланыста болған басқа пайдаланушыларды ЕСКЕРТЕДІ.

Хабарламаны іске қосқан кезде қосымша автоматты түрде және жасырын түрде қосымшаны жүктеген қазақстандықтарды жұқтыру тәуекелі жоғары екендігі туралы ескертеді. Ескерту алған азаматтар бір уақытта өзін қалай ұстау керектігі туралы ұсыныстар алады, мысалы, дәрігерге барып, карантинге жіберіледі.

Қосымша Google және Apple компанияларының жұқтыру тәуекелі туралы хабарламалар жүйесін пайдалана отырып әзірленген, бұл технологияны әлемнің 30-дан астам елі пайдаланады. Осының арқасында әлемнің көптеген елдерінің тұрғындары бір-бірін тауып, аурудың ықтимал қауіпті векторларын табу туралы ақпарат алмасады.

Saqbol қосымшасын Google Play және AppStore-да жүктеуге болады.

Қосымша туралы қазақ және орыс тілдеріндегі роликтерді төмендегі сілтемелерден көре аласыздар:

https://youtu.be/dw3kZ0MLKsQ

https://youtu.be/YxOq4-Knpgc