Декабрь 2018 
ПнВтСрЧтПтСбВс
     12
3456789
10111213141516
17181920212223
24252627282930
31      
Официальные сайты
Видео

Алматы облысында «ICECCO-2018» ғылыми конференциясы өтті

Главная » Bаsty bеt \ Главная » Алматы облысында «ICECCO-2018» ғылыми конференциясы өтті
05 Декабря 2018

Қарасай ауданындағы, Сүлейман Демирель атындағы университетінде жоғары оқу орындарындағы түрлі салалардағы идеялар мен соңғы зерттеулер нәтижелерін біріктіруге бағытталған «Халықаралық Электрондық компьютер және есептеу техникасы» (International Conference on Electronics Computer and Computation) атты конференция өтті.

Ауқымды іс-шараға отандық жас ғалымдар мен шетелдік белді сарапшылар қатысты. Атап айтқанда АҚШ-тың Пердью, Нигерияның Нил университеттерінен, сонымен қатар, Назарбаев университетінің белді профессорлары конференция аясында өз ғылыми еңбектерімен бөлісті.

Ғалымдар замануи трендтегі IT саласының жан-жақты бағыттары бойынша кәсіби тақырыптарды кеңінен талқылап, тәжірибе алмасты. Жобаға барлығы 35 ғылыми жұмыс қабылданса, олардың 25-і отандық авторлардан, 10-ы СДУ университетінің жас ғалымдарының зерттеулері екен. Ал, ғылыми жұмыстардың мазмұнын айтар болсақ, олар таратылған интеллектуалды жүйелер, медициналық информатика, жасанды интеллект, ғылыми есептеулер, сандық сигналдарды өңдеу, инженерлік моделдеу және бақылау, бағдарламалық қамтамасыз етуді жобалау, есептеу (есептеу ғылымдары), компьютерлік көру, қызықты қосымшалар және бағдарламалау тілдері сынды түрлі өзекті тақырыптарды қамтиды. АҚШ-тың Пердью университетінен арнайы келген профессор Эрик Мэтсон өз ғылыми еңбегінде замануи технологиялар мүмкіндігімен дрондар арқылы ланкестік актілерінің жасалу қаупі туралы және бұл түйткілді мәселемен күресу жолдарын әріптестерімен бірге талқылады. Сонымен қатар, тәжірибелі сарапшы конференцияның өткізілу деңгейіне өз бағасын беріп, ғылыми жұмыстардың мазмұны мен мағынасына жақсы пікір қалдырды.

Бұдан бөлек, СДУ-лық жас ғалымдар мен докторанттар конференция барысында электронды компьютер және есептеу техникаларының барлық аспектілерінен оқу-әдістемелік жұмыстарын, жүз тану ғылымы бойынша күрделі алгоритм, микрооқулықтарды әзірлеу және тәжірибе жүзінде пайдалану сияқты түрлі зерттеулерін жиынға қатысушы ғалымдар қауымдастығының назарына ұсынды.

Айта кеткен жөн, ICECCO-2018 (International Conference on Electronics Computer and Computation) конференциясында ұсынылған барлық материалдар алдағы уақытта технологияларды ілгерілету бойынша әлемдегі ең ірі кәсіби-техникалық ұйымның сайтында жарияланатын болады.

Бақдаулет ТАЛИПОВ

Поделится

+7(72772)  2-32-32

+7(72772)  2-31-28