Газет мұрағаты

Бос жұмыс орындары

Орыстілді журналист қажет!

«Нұрлы өлке» газетінің редакциясына жұмыс тәжірибесі бар орыс тілінде жазатын тілші қажет.

Байланыс телефондары:

8 (72772) 2 32 32,

8 705 965 3661.

Сәуір 2019 
ДсСсСрБсЖмСбЖс
1234567
891011121314
15161718192021
22232425262728
2930     
Ресми сайттар
Видео

Bаsty bеt

12 Сәуір 2019

Қоғамдағы кем болып жатқан тұсымыздың бірі - тәуелсіздік алған жылдардан бері ана тіліміздің төрімізге шыға алмай, есіктен сығалаған жетім баланың күйін кешіп келе жатқандығы.

12 Сәуір 2019

Қазіргі уақытта еліміздің басты проблемасына айналып отырған ең өзекті тақырыптардың бірі – әліпбиіміздің өзгеруі, яғни қалыптасқан дәстүрді бұзып, кириллицадан латын әрпіне көшу.

12 Сәуір 2019

Жақында №3 орта мектептің мәжіліс залында облыстық ішкі саясат басқармасының мемлекеттік әлеуметтік тапсырысы аясында екі бірдей оқыту семинары болып өтті.

10 Сәуір 2019

Мемлекеттік қызметтің беделін көтеру, мемлекеттік басқарудың озық тәжірибелерін тарату, үздік кәсіби білімі мен дағдылары бар Қазақстан Республикасының мемлекеттік қызметшілерін анықтау және ынталандыру, олардың уәждемелік жүйесін жетілдіру мақсатында жыл сайын «Қазақстан Республикасының үздік мемлекеттік қызметші» республикалық байқауы өткізіледі.

10 Сәуір 2019

Талдықорған қаласындағы Журналистер үйінде қылаң еткенді қағып алып, көрермен және оқырманға жеткізетін қырағы көз кәсіби фотографтар марапатталды.

10 Сәуір 2019

Алматы облысының Өңірлік коммуникациялар қызметі алаңында Ілияс Жансүгіров атындағы Жетісу мемлекеттік университетінің білімгерлері Республикалық жыр мүшәйраларының жеңімпазы, «Егемен Қазақстан» газетінің Алматы облысы бойынша меншікті тілшісі Қалмаханбет Мұқаметқалимен кездесті.

09 Сәуір 2019

Қымбатты Отандастар!

 Бүгін елімізге және әрқайсымызға қатысты аса маңызды Үндеу жариялап отырмын.

Еліміздің Конституциясына сәйкес Қазақстан Республикасы Президентінің кезектен тыс сайлауын 2019 жылдың 9 маусымында өткізу туралы шешім қабылдадым.

Мен бұл жауапты шешім бойынша Елбасымыз Нұрсұлтан Әбішұлы Назарбаевпен ақылдастым.

Парламенттің қос палата спикерімен, Премьер-Министрмен кеңестім.

Конституциялық Кеңестің келісіміне жүгіндім.

Парламенттегі партия жетекшілерімен кездестім.

Кезектен тыс сайлау туралы шешім қабылдау – өте маңызды әрі қажетті қадам.

Біз Елбасымыздың арқасында тәуелсіз, қуатты мемлекет құрдық. Қазақстан халықаралық жүйеде өзіне лайықты орнын алды. Бізді ықпалды және белді мемлекет ретінде бүкіл әлем мойындайды.  

Қазіргі таңда тарихи кезеңді бастан өткеріп отырмыз.

Жоғары билік заңды және бейбіт жолмен ауысты. Бүкіл әлем қоғамдастығы осы оқиғаны түсіністікпен және құрметпен қабылдады.  

Мемлекет басшысы ретінде мен өзімнің міндетімді және жауапкершілігімді терeң сезінемін.  

Президент лауазымына кіріскеннен бастап өңірлерді аралап жүрмін. Халықтың көңіл-күйін жақсы білемін. Зиялы қауыммен, еңбек ұжымдарымен, бизнес өкілдерімен, инвесторлармен, халықаралық тұлғалармен кездестім.

Біз Елбасының сара жолымен жүреміз. Халқымыз – біртұтас. Тәуелсіздігіміздің ең жоғары құндылығы ретінде мемлекетіміздің іргесі мығым. Алдағы Президент сайлауы осыған дәлел болуы керек.

Сондықтан, елдегі қоғамдық-саяси келісімді қамтамасыз етіп, алға басу үшін, әлеуметтік-экономикалық мақсат-міндеттерді лайықты жүзеге асыру үшін бізге айқындық қажет. Оның үстіне, әлемдегі ахуал бұлыңғыр болып тұр. Бұл Отанымыздың қауіпсіздігіне сын-қатер әкелуі мүмкін.

Ішкі және сыртқы саясаттағы сабақтастық пен тұрақтылықты сақтап, Елбасы ұсынған әлеуметтік бағдарламаларды ойдағыдай сәтті әрі тиімді іске асыруымыз керек.  

Ол үшін аталған тағдырлы шешімді қабылдадым.

Мұндай шешім тек халықтың тікелей еркімен сайлауда қабылдануы қажет.  

Қазақстан – демократиялық мемлекет. Президент халықтың таңдауымен сайланады.  

Мен, Мемлекет басшысы ретінде, сайлаудың таза, ашық әрі әділ өтуіне кепілдік беремін! Бұл – менің берік ұстанымым!

Алдымызда зор міндеттер тұр. Мен халқымызға, яғни Сіздерге  сенемін.

Қадірлі Отандастар!

«Алтау ала болса, ауыздағы кетеді, төртеу түгел болса, төбедегі келеді» дейді дана халқымыз.  

Алдағы сайлауға баршаңызды барынша жауапкершілікпен қарауға шақырамын.

Еліміздің келешегі, әр отбасы мен әр азаматтың тағдыры Сіздердің шешімдеріңізге тікелей байланысты

Поделится
09 Сәуір 2019

 Сәуір айының басы да ел өмірінде өз жаңалықтарымен басталды. Ел Президенті Қасым-Жомарт Тоқаевтың Қазақстан халқына арнаған аса маңызды Үндеуі ел өмірінің тірлігінде жаңа тарихи қадамның бірі болып қабылданды.

Олай болатын жөні де бар. Президент Еліміздің Конституциясына сәйкес Қазақстан Республикасы Президентінің кезектен тыс сайлауын 2019 жылдың 9 маусымында өткізу туралы шешім қабылдағанын жалпақ жұртқа жария етті. Бұл жауапты шешім бойынша жөнінде Қ.Тоқаев Елбасы Нұрсұлтан Әбішұлы Назарбаевпен ақылдасқанын, Парламенттің қос палата спикерімен, Премьер-Министрмен кеңескенін, Конституциялық Кеңестің келісіміне жүгінгенін және Парламенттегі партия жетекшілерімен кездескенін алға тартты.

09 Сәуір 2019

Демократиялық түрде таңдау міндетіміз

Ел Президенті Қасым-Жомарт Тоқаев Қазақстан халқына кезектен тыс сайлау туралы шешім қабылдай отырып, өте маңызды шешім қабылдады деп айта аламыз.

         Мемлекет басшысы бұл жан-жақты талқылап, кеңесіп жасалған келісім екенін айтты. Бұл - Елбасымен, палата спикерлерімен, Үкімет басшысымен және Конституциялық кеңестің ұйғарымымен жасалған қадам. Сондай-ақ, Үндеуде қазір әлемдегі ахуалдың айқын еместігі, осындай сәтте сын-қатерлердің алдын-алу үшін Президент сайлауын өткізу маңызды екендігі айтылды. Мемлекет басшысы ішкі және сыртқы саясаттағы тұрақтылықты сақтау үшін осындай қадамға барып отырғанын жеткізді. Елбасы ұсынған әлеуметтік бағдарламалар мен байыпты бастамаларды лайықты жалғастырып, нәтижелі жүзеге асырудың да маңызы зор. Сондықтан кезектен тыс сайлау байыпты жүзеге асуы қажет.

Дамудың даңғыл жолындағы мемлекетіміздің болашағы үшін сараланып қабылданған шешімнің алар орыны ерекше болмақ. Әлемдік ахуалдың бұлыңғыр кезеңінде сайлау өткізіп, сыртқы байланысты нығайта отырып, алдағы уақытта атқарылуға тиісті түрлі бағдарламаларды одан әрі жалғастыру басты мақсат болып саналады. Сондай-ақ, көптеген ұлт мекен ететін қазақ еліндегі тұрақтылықты бұзбай, жарқын болашаққа бастайтын басшыны демократиялық түрде таңдау - міндетіміз.

Президенттің Қазақстан халқына жасаған Үндеуіне үн қосып, қолдау білдіруді өзімнің азаматық борышым деп санаймын.

Съезбек АҚЫЛТАЕВ,

қалалық қоғамдық кеңестің төрағасы

 

 

Әділ өтетініне сенімдімін

 

Жақында ғана еліміз үшін айтулы жаңалыққа, Елбасының өз еркімен президенттіктен кеткеніне куә болдық. Енді саяси сахнамызда тағы бір оқиға орын алмақ. Еліміздің Конституциясына сәйкес Қазақстан Республикасы Президентінің кезектен тыс сайлауы 2019 жылдың 9 маусымында өткізіледі.

ҚР Президенті Қасым-Жомарт Тоқаевтың үндеуін БАҚ арқылы оқып білдік. Расында да, еліміздің келешегі, әр отбасы мен әр азаматтың тағдыры халықтың шешіміне байланысты. Қазақстан халықаралық жүйеде өзінің лайықты орнын алды. Бізді ықпалды және белді мемлекет ретінде бүкіл әлем мойындайды. Қазіргі таңда тарихи кезеңді бастан өткеріп отырмыз. Жоғары билік заңды және бейбіт жолмен ауысты. Бүкіл әлем қоғамдастығы осы оқиғаны түсіністікпен және құрметпен қабылдады. Алдағы сайлаудың таза, ашық әрі әділ өтетініне сенімдімін. Біріншіден, бұл жолғы мерзімінен бұрынғы сайлау толығымен заң аясында өтеді. Екіншіден, сайлау елдегі әлеуметтік, саяси, рухани салаларды тиімді дамытуға әсер етеді. Тез өзгеріп, мың құбылып тұрған заманда ішкі және сыртқы саясатты ұстап тұру үшін елдің басшысы қажеті екені сөзсіз.

Ел тарихына үңілсек, талай сайлау өтті. Дегенмен, алдағы жаздағы сайлау көпэносты ел ретінде біз үшін айтарлықтай оқиға болады деген ойдамын.

 

Алма СҰЛТАНБАЕВА,

«Нұр-бөбек» балабақшасының әдіскері

 

 

Жауапкершілікпен қарауға шақырды

 

Президент Үндеуінде алдағы сайлауға Қазақстан халқын барынша жауапкершілікпен қарауға шақырды. Еліміздің келешегі, әр отбасы мен әр азаматтың тағдыры халықтың шешіміне тікелей байланысты екенін айтты.   

Бұл шешім  бүгінгі таңда маңызды әрі қажетті шара деген пікірдемін. Сайлаудың болғаны дұрыс. Транзиттік кезең сәтті аяқталып, Президент міндетін тұрақты атқаратын адам сайлауды кешіктірмегеніміз де жөн.

      Сондықтан да әрбір қазақстандық саналы түрде сайлауға қатысуы қажет. Сайлау менсіз де өтеді деген оймен сырт қалуға болмайды. Өзінің конституциялық құқығын пайдаланып, елдің бірлігін сақтайтын, Қазақстанның одан әрі өркендеуіне жұмыс істейтін адамды таңдап дауыс беруі тиіс деп білемін.

 

Қайрат АХМЕТТАЕВ,

қалалық мәслихаттың хатшысы

 

Бәріміздің де қосар үлесіміз бар

 

Қазақстан Республикасының Президенті Қасым-Жомарт Тоқаев өз үндеуінде шешім тек халықтың тікелей еркімен сайлауда қабылдануы қажет екенін атап өтті. «Қазақстан - демократиялық мемлекет. Президент халықтың таңдауымен сайланады. Мен, Мемлекет басшысы ретінде, сайлаудың таза, ашық әрі әділ өтуіне кепілдік беремін! Бұл - менің берік ұстанымым! Алдымызда зор міндеттер тұр. Мен халқымызға, яғни сіздерге сенемін», - деді Қасым-Жомарт Тоқаев.

Өз үндеуінде Президент лауазымына кіріскеннен бастап өңірлерді аралап жүргенін атап өтті. Сондай-ақ, ішкі және сыртқы саясаттағы сабақтастық пен тұрақтылықты сақтап, Елбасы ұсынған әлеуметтік бағдарламаларды ойдағыдай сәтті әрі тиімді іске асыруымыз керектігіне баса назар аударды. Мен де Қазақстанның сайлауға құқы бар азаматы ретінде заңды сайланатын азаматтарға сенім артамын.

Осы орайда қазақстандықтарды сайлау науқанынан тыс қалмауға шақырамын. Демократиялық мәдениеттің орнығып, қалыптасуына бәріміздің де қосар үлесіміз бар екендігін ұмытпауымыз керек..

 

Аманкелді Беспаев,

Қапшағай өңірі бойынша

Қоғамдық келісім кеңесінің төрағасы.

 

 

08 Сәуір 2019

Ержүректік пен ерлік, батырлық пен қайсарлық тек соғыс сағатында ғана сомдалмайды.

Барлығы: 1072
<< 1 2 3 4 5 6 7 8 9 .. 108 >>

+7(72772)  2-32-32

+7(72772)  2-31-28