Соңғы жылдары Қапшағай қаласы Қазақстанның бір субъектісі ретінде мемлекеттік маңызы бар шараларға қатысып жатқанын көз көріп жүр.

Күні кеше ғана тағайындалған жаңа мемлекет басшысы Қасым-Жамарт Тоқаевтың ұсынысы бойынша, Алматы облысының орталық қаласының басты көшесіне Қазақстанның тұңғыш президенті, «Халық қаһарманы» атағының иегері Нұрсұлтан Назарбаевтың есімі берілді, - хабарлайды өңірлік коммуникациялар қызметі.

Мемлекет басшысы Нұрсұлтан Әбішұлы Назарбаев бұл жолы өзінің көсемдігін көрсетті  Оның бұл шешімі, бұйырса, көптеген елдің жетекшілеріне үлгі болып, жол көрсетеді деп ойлаймын. Осынау қадамы арқылы өзінің Орталық Азияда ғана емес, әлемдегі көшбасшылық, адами абыройын асқақтатты. Сонымен қатар, елінің де, халқының да мәртебесін асырды. Ең жоғарғы билікті өз ықтиярымен жаңа буынға тапсырып берудің үлгісі болды. Осы әрекетімен-ақ қазақ халқының рухын көтеріп, халықаралық деңгейдегі беделін биіктетті.

Елбасы  Орта Азияда ең дұрыс бағытты таңдаған тұлға. Шынайы демократия дегеніміз анархия емес, ел заңдарының қалтқысыз орындалып, ережелер мен тәртіптің сақталуы, билікті мойындау екендігін өз іскерлігімен көрсетті. Ішкі-сыртқы сын-қатерлерге қарамастан елдің әлеуметтік дамуының даңғыл жолын таңдады. Сөйтіп, Көшбасшының шыдамдылығы, ерік-жігерінің бекемдігі, принципиалдылығы өз нәтижесін берді. Ол Қазақстан Республикасының құтты байрағын  Қасым-Жомарт Тоқаевқа  жарқын жүзбен тапсырғандығының куәсі болдық.

Нұрсұлтан Назарбаевтың бай тәжірибесі, ұлттық және халықаралық деңгейдегі абыройы әлі де көп уақыт бойы ықпалын жоймайды, керісінше, оның көшбасшылық ерекшеліктері, көсемдік сипаттары, әлем саясатына қосқан үлесі турасында әлі талай айтылатын болады.

Мағзом АМАНЖОЛОВ.

 Алматыдан Қапшағай қаласына кешкілік автобуспен келе жатқанымда, алдыңғы орындықта отырғандар адамдар ұялы телефондарынан Нұрсұлтан Назарбаевты қайта-қайта қараумен болды. Мен мұны Елбасының  тағы да бір кезекті Жолдауы немесе Наурыз мерекесімен халықты құттықтағаны болар деп шамаладым. Басымда басқа ешқандай ой болған жоқ. Үйге келіп, табалдырықтан аттағанымда зайыбым Нұрсұлтан Назарбаевтың президенттік өкілеттігін өзі тоқтатқаны жайлы теледидардан үндеу  жариялағанын жеткізді. Басында сенгенім жоқ. Өйткені Елбасы кезекті сайлауда қайтадан президенттікке үміткер болады деген сенімде жүрген едім.

Тосын жаңалық тоқсан ойға жетеледі. Десе де Елбасы Нұрсұлтан Назарбаев дер кезінде дұрыс әрі әділ шешімге шығара білді. Отыз жыл ел басқарды. Есімі тәуелсіз Қазақстанның Тұңғыш президенті ретінде тарихта қалғаны және анық. Кешегі КСРО тарағаннан кейін бос кеңістікте қалған Қазақстанды экономикалық жағынан туралаған күйінде қабылдап алған Н.Назарбаев өз елін әлемдік деңгейге жеткізу жолында жанқиярлықпен қалай күрескені көз алдымызда. Иә, оған оңай болған жақ. Ел дамуы мүлдем басқа арнаға бұрылды. Нарықтық қатынас кезінде адамдар қалай өмір сүрудің жолдарын білген жоқ. Дегенмен, дамудың даңғыл жолы біреу-ақ еді. Міне, соны Нұрекең асқан көрегендікпен тани білді. Әрине, уақыт талабына, замана талабына барлығымыз бас иеміз. Оның өте жоғары лауазымынан өз еркімен бас тартуы да оның өте ақылды әрі сұңғыла саясаткер екенін көрсетеді.

Елбасы ретінде Қазақстанды бүкіл әлем таныды және мойындады. Тұңғыш Президент Нұрсұлтан Назарбаевтың Қазақстан үшін жасаған игі істеріне ел дән риза. Тәуелсіз жас мемлекеттің ең өршіл жобалары іске асты. Халыққа жасаған қызмет Елбасының ерік-жігері, шынайы отансүйгіштігі, даналығы, кемелдігі туралы ел аузында әлі айтыла береді. Тұңғыш Президент - елдегі тыныштық пен татулықтың тұрақты кепілі бола білді. Қиын жағдайларда батыл шешім қабылдады. Олар өзін-өзі ақтап, еліміздің өркендеуіне серпін берді.

Халықтың бірлігі мен берекесі, ұлттардың татулығы, елдің тыныштығы бәрі де Елбасының жүргізген сарабдал саясатының жемісі. Қазақстан мемлекетінің тәуелсіздігі жолында талай қиындықтарды бастан өткерсе де елдің экономикасы мен әлеуетін көтеруде Елбасы барлық күш-қайратын жұмсады. Бүгінде әлемдік деңгейде ауыз толтырып айтарлықтай жетістіктерге жеттік. Әлемде болып жатқан дағдарысқа мойымаған Қазақстан биік белестерді бағындырып, еңселі елге айналды.

Нұрсұлтан Назарбаев өзінің барлық күш-қуаты мен мүмкіндігін пайдала отырып, алға қойған барлық мақсатты жоспарларды іске асырды. Ата-бабаларымыздан мұра болған бейбітшілік пен келісімді сақтай білді. Бұл оның ең зор еңбегі десек ешқашан қателеспейміз.

Нұрқасым  АСҚАРБЕКҰЛЫ,

еңбек ардагері

Мемлекетіміздің аса маңызды тарихи сәттерінде Елбасы Нұрсұлтан Назарбаев Қазақстан халқына Үндеу жолдайтыны белгілі. Осы жолы да жолдаған Үндеуінің куәсі болғанымыз анық. Алайда, осы жолғы Үндеуінің орны біз үшін бөлек болғандай. Кешегі кеңес заманынан тек тәуелсіздікті ғана алып шыққан елді ел қатарына қосып, осы бағыттағы саясатын ары қарай жалғастырып келе жатқан Елбасының өз өкілеттігін тоқтатуы туралы айтқаны елеулі дүние болғаны анық. Оны өзі де «осы Үндеудің маңызы зор екендігін» айтты.

Осындай қиын шешімді қабылдау Елбасыға оңай шаруа болмағанын сезінеміз. Қанша дегенмен де ел билігінде отыз жылдай болған Президент өз тағдырын ел тағдырымен қосқаны анық.  Оның ыстығына күйіп, суығына тоңып, дамыған елдердің қатарына алып шығып, көшке қосуы айтар ауызға ғана оңай. Елбасының өзі айтқандай, кешегі кеңес империясы құлаған сәтте біздің саясатымыз бен экономикамыз құлдырап, ел ішінде қобалжу мен түсініксіз жағдай орын алған болатын. Осы кезең ішінде Қазақстан түрлі жолдар мен жылдарды артқа тастады. Талай сынақтардан өтті. Сөйтіп жүріп еліміз өзіне тән қазақстандық даму жолына түсті. Сол кез бен бүгінгі Қазақстан келбеті мен келешегі жер мен көктей екендігінде дау жоқ.

Сол кездегі алға қойылған міндет нарықтық экономиканы құру, тоталитарлық жүйені бұзу және қоғамның барлық институттарын жаңғырту болса, қазір ол міндеттердің орындалғанын көреміз.

Осы жолда Елбасының еңбегі ұшан-теңіз десем, берген әділ бағам деп санаймын. Елбасының тағдыр жолы елімен бірге болды. Әлі де жалғасып келеді. Ел атынан Елбасыға, осы жылдар белесінде оның атқарған еселі еңбегіне азаматтық рахметімді айтқым келеді.

Әлішер БОЛАТҰЛЫ

Қазақстан Республикасының Президенті Нұрсұлтан Әбішұлы Назарбаевтың Қазақстан халқына жариялаған Үндеуі көпшілігіміз үшін тосын жағдай болғаны анық.  Алайда, ел келешегін ойлаған Елбасының осы қадамын дұрыс деп қабылдадық.  Оған оның еліміздің келешегін ертеңгі күнге апарар жастар екендігін, соларға үміт артатынын, елді еңсесі биік елу елдің қатарынан қалдырмай, келешекке бағытымызды жалғастыра беру керектігі туралы  қадап айтқаны дәлел бола алады. 

Ендігі бағыт-Елбасы көрсеткен жолдан ауытқымай, ел экономикасын ілгері дамытатын шикізат көздері ғана енмес, инновацияны дамыта отырып басқа да ресурстарды іске қосу.

Мені толғандыратын нәрсе-еліміздің мемлекеттік қауіпсіздігі. Халқы саны аз болса да ата-бабадан қалған ұлан-ғайыр жердің тұтастығы бірінші кезекте қойылған осы бір сәтте Елбасының биліктен кетпегені дұрыс. Олай дейтінім, осы жерімізге көз қадап отырған шығыста айдахарымыз Қытай  болса, батыста аю мемлекет Ресей тұр. Осы уакытқа дейінгі елдің тыныштығы Елбасының өгізді де өлтіртпей, арбаны да сындыртпай, өзгелерге жем қылмайтындай саясат ұстап келген кемеңгер саясатының арқасы деп білемін.

Ертең еліміздің бас лауазымына басқа президент келсе сыртқы мемлекеттермен саясатымыз қалай, қай бағытта өрбиді! Толғақты, ойланатын, ойлантатын жәйт. Сондықтан Елбасы қауіпсіздік кеңесіне келуі жаңадан келген президенттің сыртқы саясатында едәуір оң әсерін береді деген ойдамын.

Қәйткен күнде де Қазақстан алған бағытын өзгертпей, ары қарай жалғастыра бергені дұрыс.

Мәулен ДҮЙСЕБАЕВ,

зейнеткер.

Нұрсұлтан Назарбаев республикалық телеарналар арқылы Қазақстан халқына арналған мәлімдемесінде Президенттік өкілеттігін тоқтататынын жария етті.

Конституцияға сәйкес, Мемлекетті ҚР Парламенті Сенатының төрағасы Қасым-Жомарт Тоқаев уақытша, келесі Президенттік сайлау өткенше басқарады. 

Өз сөзінде Нұрсұлтан Назарбаев елеулі өкілеттігі бар Қауіпсіздік Кеңесінің төрағасы қызметінде қала берітінін айтты.

Президент лауазымындағы соңғы Жарлығына Нұрсұлтан Назарбаев 2019-шы жылдың 19 наурызында сағат 19:00-де қол қойды.

Елбасы Үндеуін тыңдаған қапшағайлықтар Мемлекет басшысының шешімін қимастық сезіммен қабылдағанын жасырмайды. Олар отыз жыл ел тізгінін ұстап, Қазақстанды айдай әлемге танытқан тұңғыш Президенттің табанды еңбегі үшін өз алғыстарын білдіріп жатыр. Қапшағай жұрты алдағы уақытта да Нұрсұлтан Назарбаевтың елеулі өкілеттігі бар Қауіпсіздік Кеңесінің төрағасы, елдегі ең ірі саяси ұйымның көшбасшысы ретінде елімізді жаңғырту процестеріне қомақты үлесін қосатынына сенеді.

Соңғы 2-3 жыл ауданның тұрғындары үшін табысты жыл болып, экономикалық және әлеуметтік салаларында, бірқатар маңызды іс-шаралар атқарылды.

Алматы облысында кәсіпкерлік негіздеріне үйретуге бағытталған «Бастау» жобасы бойынша оқыту басталды. Жоба 2017-2021 жылдарға арналған «Еңбек» Нәтижелі жұмыспен қамту және жаппай кәсіпкерлікті дамыту бағдарламасы аясында жүзеге асырылады және жұмыссыз, өзін-өзі қамтыған азаматтар мен жаңадан бастаған кәсіпкерлерге арналған.

Алматы облысында белгілі блогер, қоғам қайраткері Александр Цой Отандық туризмді ілгерілетуге және сұранысқа ие контент қалыптастыруға бағытталған "Travel blogging" атты семинар-тренинг өткізуде.