Қала әкімдігінің мәжіліс залында «Судағы демалыс қауіпсііздігін ұйымдастыру» тақырыбында көшпелі жедел-кеңес өткізілді. Іс-шараның мақсаты - шомылу маусымында жекеменшік демалыс аймақтарында адамдардың суға кетіп қаза болуының адын алу.

2017 жылдың 1 шілдесінен бастап мемлекеттің, жұмыс берушілердің және азаматтардың ортақ жауапкершілігіне негізделген міндетті әлеуметтік медициналық сақтандыру жүйесі енгізілді. Халық осы арқылы 2018 жылдың 1 қаңтарынан бастап медициналық көмекке медициналық сақтандыру бағдарламасы бойынша қол жеткізе алады. Бұл орайда Қапшағай қалалық ауруханасы бас дәрігерінің орынбасары Қайрат Николаевич ИМАНҒАЛИЕВПЕН  міндетті әлеуметтік медициналық сақтандыру жүйесінің Қапшағай өңірінде атқарылып жатқан  түсінік жұмыстары жайында әңгімелескен едік.

Футбол - әлемдегі №1 спорт түрі саналатын ойын. Сондықтан да болар өткен сенбіде Қапшағай қаласындағы жаңадан пайдалануға берілген спорт алаңдарының ашылу құрметіне орай өткен мемлекеттік қызметкерлер арасындағы спартакиада барысында өзге спорт түрлерін тамашалаушылармен салыстырғанда футбол жанкүйерлерінің қарасы мол болды.
Аталмыш спорт аламаны аясындағы футбол жарысы қала әкімінің орынбасарлары С. Нұрғазиев пен А. Қалқабай курациялары командаларының кездесуімен басталды. Бұл ойында «С. Нұрғазиев курациясы» командасы қарсыластарын 6 -1 есебімен  ойсырата жеңді. Келесі кезекте жасыл алаң төрінде «І.Сүгіров курациясы» және «Заречный» командалары күш сынасып, «І.Сүгіров курациясы» командасы бәсекелестерін 4-1 есебімен тізе бүктірді.

Жаз айларын мектеп жасындағы балалар ерекше ықыласпен күтетіні белгілі. Осы мезгіл - оқушылардың  физиологиялық, сана-сезімдік, дүниетанымдық тұрғыдан даму кезеңі. Бұл уақыттарда сабақтан босап, бос уақыттары көп болатындықтан олар бұл мерзімде өз қызығушылықтарымен айналысуына мүмкіндіктері мол болады. Жеткіншектердің бос уақыттарын тиімді өткізіп, аталған мүмкіндіктерін жүзеге асыруларына және демалыстарын көңілді өткізулеріне қолайлы жағдай туғызу мақсатында жылдағы үрдіспен жазғы тынығу лагерлері есіктерін айқара ашады. Мұндай лагерлердің бірі - Қапшағай су қоймасы жағалауында қоныс тепкен «Күншуақ»  лагері.
Тынығушылар арайлап шыққан әр күннің шуағына шомыла отырып, «Күншуақтағы» әрбір күндерін дене жаттығуларын жасаумен    бастайды. Таңғы астан  кейінгі болатын санитарлық жаттығу одан әрі жоспарға сай түрлі іс-шаралар мен спорттық жарыстарға жалғасады. Одан кейін түскі астарын ішіп, тынығып алған  соң, бесін астарын ішеді. Содан соң кешкі асқа дейін суға шомылып, спорттық ойындарға қатысады. Екі мәрте берілетін кешкі астың арасында танымдық іс- шаралар өткізіледі. Сонымен бірге ұйқыға жатқанша интеллектуалдық сайыстар мен би кештерін өткізу дәстүрге айналған.

Осы аптаның дүйсенбі күні Қапшағай қаласы әкімі аппаратының басшысы Ермек Қожахметов қапшағайлық көп балалы аналарды  марапаттады. Әсел Тансұланқызы  өзінің жетінші перзентін жарық дүниеге әкелген болса, Заречный ауылының тұрғыны Гүлмира Мажитаева алты баланың анасы атанған.

Үстіміздегі жылдың шілде айынан бастап «Өңірлерді дамыту» бағдарламасы аясында Шеңгелді, Кербұлақ, Сарыбұлақ елді мекендерінде балалар алаңының құрылысы жүргізілуде. Ауылдық округ көлеміндегі балалар алаңын салуды Шеңгелді ауылдық округі әкімінің аппаратының тапсырысымен «Кинибай. С. ЖШС-і» қолға алған. Құрылыс жұмыстарына 9450 мың теңге қаржы бөлінген.  
Ауылдық округте балалардың ойын алаңдарының салынуы - жоғарыда аталған мемлекеттік бағдарлама шеңберінде жүзеге асып жатқан игілікті істің бастамасы, Құрылыс жұмыстары келісім-шарт бойынша тамыз айында толық аяқталуы тиіс. Бұл ойын алаңдары пайдалануға берілсе, асыр салып ойнап, мәре-сәре болған балаларымен бірге олардың ата-аналары да көңілді  демалыс өткізіп қайтатындары сөзсіз.

2015 жылғы 16 қарашадағы № 405-V ҚР «Міндетті әлеуметтік медициналық сақтандыру туралы» Қазақстан Республикасының Заңына сәйкес, 2018 жылдың 1 қаңтарынан бастап елімізде міндетті әлеуметтік медициналық сақтандыру енгізілмекші. Осыған орай, медициналық қызмет әлеуметтік медициналық сақтандыру қорына жұмыс беруші тарапынан жарна аударылған тұлғаларға ұсынылатын болады. Халықтың әлжуаз санатына жататын тұлғаларға әлеуметтік медициналық сақтандыру қорына мемлекет тарапынан жарна төленеді.

Бүгінгі күні «адам саудасы» деген ұғымға қоғамның еті үйренді. Құдды «базардан мал сатып алыпты» деген үйреншікті жаңалық секілді естілетін болу керек. Алайда, айтылғанда аса назар аудармайтын атауға айналған ауыр қылмыстың соңы адам тағдырын аяққа таптап, тіпті тірі өлікке айналдырып отырғаны әмбеге аян. Бірі психологиялық депрессияға ұшырап өз-өзіне қол салса, енді бір отбасы қайғыдан қара жамылып отырған жайы бар. Сондықтан бүкіл әлем адам саудасына қарсы күресті барынша қолға алуда.

Жақында «Нұр Отан» партиясы Қапшағай қалалық филиалының ұйымдастыруымен «Елбасы Жолдауының басты басымдықтарының орындалу барысы» тақырыбында басқосу болып өтті.  
Шара барысында сөз алған қалалық мәслихат депутаты Ерлан Қашағанов мемлекет басшысының кезекті Жолдауы жайлы ойымен бөлісіп, еліміздің жаңа тарихи кезеңге аяқ басқандығын, Сондықтан, Алматы облысының басты байлығы болып табылатын адамдардың таланттарын ашып, мүмкіндіктерін көрсетіп, өзінің және қоғамның игілігіне жаратуына жағдай жасау басты міндет екендігін атап өтті.

Қапшағай қалалық «Ақдидар» балабақшасында мектепке дейінгі оқыту мен тәрбиелеу Қазақстан Республикасы мемлекеттік жалпыға міндетті білім беру стандарты және осы стандартқа сәйкес әзірленген «Балбөбек», «Зерек бала», «Біз мектепке барамыз» бағдарламалары арқылы жүзеге асырылады.
Балабақшаның жылдық жұмысының мақсаты - мектеп жасына дейінгі балалардың тілдік қатынасын көркем сөзді қолдану арқылы дамыту, денсаулықтарын нығайту әрекеттерін дұрыс ұйымдастыру және салауатты өмір салтын қалыптастыру.