Қапшағай қаласы әкімінің орынбасары Сағдат Шатанұлы Нұрғазиевтің төрағалық етуімен болған онамастикалық  комиссияның  кезекті  отырысы  қала    мен  өңірдегі елді мекендердегі кө-шелер атауларының өзгертілуіне арналды.
Бұл  жөнінде  «Қапшағай қала-сы мәдениет және тілдерді дамыту бөлімі» мемлекеттік мекемесінің басшысы Бибігүл Кенжеханқызы Шайкенова есеп берді. Расында кешегі кеңес заманындағы идеология негізінде қойылған көше атаулары жаңа заманға сай өзінің құндылықтарын жоғалтқаннан кейін оларды  өзгерту уақыт талабы болып отырғаны анық.

Өткен бейсенбіде қаланың бас алаңында қалалық білім бөлімінің ұйымдастыруымен 11 жыл инемен білім құдығын қазып, тағылымды тәрбие алған алтын ұяларынан қанат қаққалы тұрған қапшағайлық мектеп бітіруші түлектердің «Алтын арман-2017» атты салтанатты кеші болып өтті.  Ағымдағы жылы Қапшағай өңіріндегі білім ордаларын бітіруші 186 түлектің жиырма бірі «Алтын белгі» иегері атанса,  он алтысы «Үздік аттестат» иеленді. 

Рамазан – барша мұсылмандар құрмет тұтатын Құран кәрім аяттары түскен қасиетті де ұлық ай. Бұл айда жасалған бүкіл нәпіл ғибадаттарға берілетін сауап басқа айларда жасалатын парыз амалдардың сауабына тең болады екен. Рамазан айында ауыз бекіткен жандарға ауызашар беру-үлкен сауап. Ардақты Пайғамбарымыз (с.ғ.с) Рамазан айында бір дана құрмамен ауызашар бергенге де, тек сумен ғана оразасын аштырғанға да аузы берік адамның алған сауабындай сауап жазылатындығын айтыпты. Олай болса, осы қасиетті айда ораза ұстаушыларға ас беріп, ауыз аштырушыларға одан да үлкен сауап болатындығы даусыз. Рамазан айының құрметіне орай, қала әкімі Талғат Қайнарбеков «Самрұқ холл» мейрамханасында Қапшағай қаласы мен аймағындағы ораза тұтқан жамағат пен ақсақалдарға  арнайы дастархан жайып, ауызашар қонақасысын беріп, сауапты амал жасады.

Биылғы 23 маусымда Елбасы Н. Назарбаевтың «Қазақстан Республикасы ішкі істер органдары туралы» Заңын қабылдау Жарлығына қол қойып, Қазақстан полициясының құрылғанына  ширек ғасыр толып отыр. Осы орайда қалалық мәдениет үйінде салтанатты жиын болып өтті. Басқосуға қала әкімінің орынбасары Ілияс Сүгіров, қалалық ішкі істер бөлімінің қызметкерлері мен ардагерлері, қаланың Құрметті азаматтары, мәслихат депутаттары, кәсіпорындар мен мекемелер өкілдірі, қала тұрғындары қатысты.

Жуырда қалалық жұмыспен қамту және әлеуметтік бағдарламалар бөлімінің басшысы Айгүл Іңкәрбекова, қалалық аурухананың өкілі Айгерім Нақабыл халықтың әлеуметтік қорғалмаған тобына көмек көрсету үшін еліміздің Үкіметі дүниежүзілік банктің қолдауымен іске қосқан «Өрлеу»  жобасының жай-жапсары мен Ұлт Жоспары - бес институционалдық реформаны жүзеге асыру жөніндегі «100 нақты қадамның» 80-қадамына байланысты және Денсаулық саласын дамытудың 2016-2019 жылдарға арналған «Денсаулық» мемлекеттік бағдарламысы аясында енгізілген міндетті әлеуметтік медициналық сақтандыру жүйесі туралы халық арасында түсіндіру жұмыстарын жүргізу мақсатында Кербұлақ, Сарыбұлақ ауылдарының тұрғындарымен жүздесті.

Кешегі кеңес заманындағы «Өкімет өлтірмейді» деген қағида социалистік формациямен бірге келмеске кетіп, оның орнына нарықтық жүйе келіп, әр адамның тағдыр жолы жасаған тірлігіне байланысты болып қалды. Еңбектің көзін тапқандар пайданың өзін тауып, жаңа жағдайға бейімделіп, жаңа жұмыс орындарын ашып, шаруаларын дөңгелетіп, көш басынан көріне бастағаны анық.
Мына заман пайда табам дегендерге кең жол ашып қойғанын көз көруде. Соған сай әр адам өз нанын әр саладан тауып жеп жүр. Дегенмен де, «Қазақтың жаны-алдындағы малы» деп түсінгендер атадан балаға мирас болып қалған атакәсіп-мал шаруашылығын өркендету ісін қолға алып жатқандар да баршылық. Солардың бірі-Шеңгелдінің шығысындағы Ақөзек ауылындағы бұрынғы «Алматы мал асылдандыру зауыты» ұжымы.
Егін мен мал шаруашылығын қатар алып келе жатқан бұл ұжымның егістік алқабындағы тыныс-тірлігін газетіміздің өткен санында жазған болатынбыз. Ертоқымның екі үзеңгісіндей қолға алған екінші бағыты мал шаруашылығы болғандықтан кезекті сапарымызда аттың басын Қосқұдық аймағына  қарай бұрған едік.

Ата заңымызда айтылғандай, биліктің қайнар көзі-халық. Халықтың парасатты болуы-ел дамуының негізі. Сондықтан, «Нұр Отан» партиясы жұртшылықтың сыбайлас жемқорлыққа қарсы мінезін қалыптастырып, елге, туған жерге деген патриоттық сезімімдері мен ұрпақтар сабақтастығын күшейтіп, ұлттық отбасылық құндылықтарды насихаттап, шағын және орта кәсіпкерлікке деген қызығушылығын арттыру мақсатында партиялық жобаларды қолға алып, ауқымды істер атқаруда. Осы орайда «Нұр Отан» партиясының Қапшағай қалалық филиалы тарапынан да 7 партиялық жоба бойынша жүйелі жұмыстар жүзеге асырылуда.

Жуырда қала әкімдігінің мәжіліс залында мемлекеттік қызметшілерінің Әдеп кодексі нормаларының бұзылуына жол беру фактілерінің көбеюіне байланысты қала әкімінің аппараты мемлекеттік және еңбек тәртібін, Қазақстан Республикасы мемлекеттік қызметшілерінің Әдеп кодексін және мекеменің ішкі қызметтік тәртібімен қарастырылған талаптарын қатаң сақтау бойынша семинар-кеңес болып өтті. Іс-шараны қала әкімінің орынбасары Сағдат Нұрғазиев ашып, жүргізіп отырды.

Жуырда қалалық мәслихаттың әлеуметтік-экономикалық даму, бюджет,өндіріс, шағын және орта кәсіпкерлікті дамыту жөніндегі тұрақты комиссиясының отырысы болып өтті. Отырысқа комиссия құрамынан өзге қалалық кәсіпкерлік бөлімінің басшысы Жандос Тұрыспеков, «Атамекен» кәсіпкерлер палатасының Қапшағай қалалық филиалының директоры Дидар Батырбеков, қалалық жолаушылар көлігі және автомобиль жолдары бөлімінің басшысы Мұрат Абауов, қалалық ауыл шаруашылығы бөлімі басшысының міндетін атқарушы ГауҺар Әбілқасымова, қалалық сәулет және қала құрылысы бөлімінің басшысы Ғани Әбдіханов қатысты.

ҚР Ақпарат және коммуникациялар министрлігінің «Орталық коммуникациялар қызметі» алаңында 2017 жылдың 30 мамырында «Тарихи сана және қоғамның рухани қауіпсіздігі» тақырыбында «SarapTime» сарапшылар клубының отырысы өтті. Бұл шара 31 мамыр – Саяси қуғын-сүргін құрбандары күніне орайластырылған. Атаулы күн Қазақстан Республикасының Президенті Нұрсұлтан Әбішұлы Назарбаевтың Жарлығымен 1997 жылдан бастап атап өтіліп келеді.