Алматы облысының Шамалған ауылына меценаттар 17 әлеуметтік жағдайы төмен отбасы мен мүмкіндігі шектеулі жандарға тұрғын үй кілттерін табыстады. Бұл туралы Zakon.kz корреспонденті хабарлайды.

Жаңа үйлерді «Туған жер» бағдарламасы аясында, көмек көрсету мақсатында меценаттар өз қаражатына үйлер тұрғызып берді.

Қоршаған ортаны таза ұстау, айналаны абаттандыру, көркейту- көгалдандырудың маңызы аса зор. Өткен сенбіде қаладағы мекемелер мен кәсіпорындар орналасқан ғимараттардың аумағында жалпықалалық сенбілік болып өтті.
Күздің алғашқы сенбілігі қалалық тұрғын үй-коммуналдық шаруашылық және тұрғын үй инспекциясы бөлімінің басшысы Елдос Кеңесбековтың басшылығымен өткізіліп, оған Қапшағай қаласындағы мекемелер мен кәсіпорындардың, мектептердің ұжым қызметкерлері  белсене қатысты.  Таңертеңгі сағат 9-дан бастап, қарқынды түрде тазалық жұмыстарын атқаруға кіріскен шараға қатысушылар өз мекемелерінің аулаларын сыпырып, қоқыс қалдықтарын шығарып, ағаш түптерін әктеп, тазалық жұмыстарын ұйымшылдықпен атқарды.

Жасыл желек жамылған әсем және таза, туризм орталықтарының бірі -Қапшағай қаласының қала күні мерекесінде Қапшағай қалалық кітапханасы Елбасы Нұрсұлтан Назарбаевтың «Болашаққа бағдар: рухани жаңғыру» атты мақаласын жүзеге асыру мақсатында «Кitaphana– ruhany bayliq ordasy» стенд, «Нұрын төккен - Қапшағай», «Қапшағайдың әдебиет әлемі» тақырыбында иллюстративті кітап көрмелері ұйымдастырылып, оны көрмеген келушілер қызыға тамашалады. Кітапхананың бөлім меңгерушісі Қарлығаш Оразалинова әр бөлімді жеке-жеке таныс-тырып, жергілікті қаламгерлердің  кітаптары жайлы әңгімеледі.

Жақында қалалық мәслихаттың халықты әлеуметтік қорғау, еңбек, білім, денсаулық сақтау, мәдениет, тіл, спорт және ұлтаралық қатынастар және депутаттық өкілеттілігі, заңдылық, құқықтық қорғау, қоғамдық ұйымдармен байланыс жөніндегі тұрақты комиссияларының бірлескен отырысы болып өтті.
Басқосуға аталған комиссия құрамынан өзге қала әкімі аппаратының басшысы Ермек Қожахметов, қала әкімі аппаратының заң, мемлекеттік – құқықтық бөлімінің басшысы Асқар Адамбаев, қалалық          жастар ресурстық орталығының жетекшісі Ержан Нұрпейісов, қалалық білім бөлімінің басшысы Рсалды Ешімова, қалалық жергілікті полиция қызметінің басшысы Сұлтанғазы Нұрғалиев, қалалық ішкі саясат бөлімінің басшысы Нұрлан Аққойшы қатысты.

Тәуелсіз Қазақстанның әлемдік өркениетке жетудегі бірден-бір дара жолы – білім жүйесі. Қазіргі таңда еліміздің болашақ ұрпақтарын тәрбиелеу бағытындағы білім беру мәселесі– мемлекетіміздің басты ұстанымдары болып отыр. Ұлттық болмысымыздың ажырамас мәйегі білімге деген құрмет, ұстазға деген қамқорлық лебі ескен  ұстаздар  мерекесінде білім саласындағы жетістіктерді саралап, үздіктерді марапаттау дәстүрге айналған. Қапшағай қаласының білім бөлімі бұл мерекеге үлкен жетістіктермен   келді. 

Ағымдағы жылдың 18-ші сәуірінен бастап 24-ші мамырына дейін Алматы облысында «Әлеуметтік жоба ұсын!» атты конкурсқа іріктеу өтіп, оған 18-29 жас аралығындағы жастар қатысқан. Жалпы облысқа 900 жоба ұсынылып, соның ішінде 233 жоба грант жеңіп алды. Жобалар қазіргі кезде 11 бағыт бойынша жұмыс істеп жатыр. Бес ай көлемінде бөлінген 1 000 000 теңгені дұрыс әрі пайдалы жаратуы қажет. Бұл туралы облыстық өңірлік коммуникациялар қызметі алаңында белгілі болды.

І. Жансүгіров атындағы Мәдениет сарайында Ескелді Жылкелдіұлының 325 жылдығына және Елбасының «Болашаққа бағдар: рухани жаңғыру» атты бағдарламалық мақаласына орай «Ерлігі мұра - Ескелді» атты республикалық ғылыми-тәжірибелік конференция өтті.

Талдықорғанда Елбасының «Рухани жаңғыру» баяғдарламасы аясында Алматы облыстық тілдерді дамыту жөніндегі басқармасы және облыстық ішкі саясат басқарманың ұйымдастыруымен «Латын әліпбиі: техникалық мүмкіндіктер» аты дөңгелек үстел өтті.

Білім және ғылым қызметкерлері кәсіптік одағының Талдықорған аумақтық ұйымы 10 аудандық, 2 қалалық және 24 оқу орындарындағы комитеттер мен 516 бастауыш кәсіподақ ұйымын біріктіреді. Бұл туралы облыстық өңірлік коммуникациялар қызметі алаңында белгілі болды.

«МӘҢГІЛІК ЕЛДІҢ МӘҢГІЛІК ТІЛІ ». Алматы облысының тілдерді дамыту жөніндегі басқармасының тілдер күніне арналған салтанатты шарасы осы тақырыпта өткізілді. Жеті жұрттың тілін білмекке ұмтылған белсенділер бұл күні жырдан шашу шашып, тілге деген құрметтерін асқақтата түсті. Оқушылар сарайында өткен биылғы шараның форматы да өзгеше. Салтанатты жиынның шымылдығын облыстық «Жетісу» газетінің жас журналистері жырмен ашты. Қоңыр үнімен киелі сахна төрінде көрермен жүрегін өлеңмен әлдилеген Құралбек Сәбитов, Айдар Қалиев, Мұхтар Күмісбек, Асыл Сұлтанғазы сынды жас ақындар көпшіліктің ыстық ықыласына бөленді.